۸ مای ۲۰۲۴-جو ایل تاریخینده آذربایجان رسپوبلیکاسینین خارجی ایشلر ناظیری جیحون بایراموو ایله اسرائیل دولتینین خارجی ایشلر ناظیرلیینین سیاسی دیرکتورو آلیزا بین نون آراسیندا گؤروش کئچیریلیب.

بو باره‌ده خارجی ایشلر ناظیرلییندن Axar.az-آ معلومات وئریلیب.

بیلدیریلیب کی، گؤروش زمانی، ایکی‌طرفلی و چوخ‌طرفلی مناسبتلرین مختلف آسپکتلری، او جمله‌دن ایکی اؤلکه آراسیندا اقتصادی، تهلوکه‌سیزلیک، یوکسک تخنولوگییالار و سایر استقامتلرده امکداشلیغین جاری وضعیتی و پرسپکتیولری باره‌ده مذاکره آپاریلیب.

ناظیر جیحون بایراموو قارشی طرفی پست-مناقشه دورونده رگیوندا موجود وضعیت باره‌ده اطرافلی معلوماتلاندیریب.

گؤروش چرچیوه‌سینده همچنین گئنیش ناراحاتلیق دوغوران بین‌الخالق و رگیونال مسئله‌لر اطرافیندا فکر مبادله‌سی آپاریلیب.

اسرائیل نماینده هیئتینین اؤلکه‌میزه سفری چرچیوه‌سینده آذربایجان رسپوبلیکاسی ایله اسرائیل خارجی ایشلر ناظیرلیکلری آراسیندا سیاسی مصلحتلشمه‌لرین نوبتی اجلاسی کئچیریلیب. مصلحتلشمه‌لرده، آذربایجان رسپوبلیکاسینین نماینده هیئتینه خارجی ایشلر ناظیرینین معاونی فاریز رضایئو، اسرائیل نماینده هیئتینه ایسه خارجی ایشلر ناظیرلیینین سیاسی دیرکتورو آلیزا بین نون رهبرلیک ائدیب.