۰۸:۰۰

خارجی ایشلر ناظیرلرینین آلماتی گؤروشونده ارمنیستانین گؤزلنتیلری اؤزونو دوغرولتمادی. قازاخین ۴ کندینین قایتاریلماسیندان سونرا ایروان آلماتی‌دا آلماتی بیاننامه‌سینین یئنی‌لنمه‌سی ایله نتیجه‌لنه‌جک راضیلاشمایا امید ائدیردی. گؤروشون ده محض ۱۹۹۱-جی ایلده بیاننامه‌نین امضالاندیغی «دوستلوق ائوی»نده کئچیریلمه‌سی سیموولیک کاراکتر داشییردی.

لاکن طرفلر شیفاهی اولاراق، صلح سازشی اوزره دانیشیقلارین داوام ائتدیریلمه‌سینه راضیلاشدی. هم باکینین، هم ایروانین رسمی آچیقلاماسیندا فکر آیریلیقلارینین اولدوغو وورغولانیر: گؤزلنیلدیی کیمی، سرحدین دلیمیتاسییاسیندا و کمونیکاسییانین آچیلماسیندا هانسی پرینسیپلرین اساس گؤتورولمه‌سی آچیق قالیر.

دؤرد کندین قایتاریلماسیندان سونرا ارمنیستانلا یاناشی، باشدا آمریکا اولماقلا، غرب اؤلکه‌لرینین آلماتی بیاننامه‌سی اوزرینده خصوصیله دایانماسی فونوندا باکینین گئری آددیم آتماماسی اهمیتلی‌دیر. آلماتی گؤروشونون اساس نتیجه‌سینی بو کونتکستده قیمتله‌ندیرمک اولار.