تورکیه خارجی ایشلر ناظیری هاکان فیدان آمریکا دولت کاتبی انتونی بلینکنله تلفون دانیشیغی آپاریب.

Axar.az خبر وئریر کی، بو باره‌ده "حریت" دیپلماتیک منبع‌لره استنادن معلومات یاییب.

معلوماتا گؤره، تلفون دانیشیغیندا غزه‌ده‌کی سون حادثه‌لر و اوکرایناداکی وضعیت مذاکره ائدیلیب.

بلینکنله تلفون دانیشیغیندا هاکان فیدان اسرائیلین رفحه هجومونون قبول‌ائدیلمز اولدوغونو و غزه‌ده ان قیسا زماندا دائمی آتشکسین یارادیلماسینین واجبلیینه توخونوب.

بوندان علاوه، خارجی ایشلر ناظیری هاکان فیدان قطرده حماس سیاسی بوروسونون رهبری هنیه و اونون رهبرلیک ائتدیی نماینده هیئتی ایله گؤروش کئچیریب.

تورکیه خارجی ایشلر ناظیرلییندن بیلدیریلیب کی، گؤروش زمانی آتشکس دانیشیقلارینداکی سون وضعیت مذاکره اولونوب.