تبریزین طب علملری اونیورسیتتینین خانیم طلبه‌سی صدف حیدری هئچ بیر حکم گؤستریلمه‌دن تحصیل موسسه‌سیندن قووولوب.

Axar.az خبر وئریر کی، بو باره‌ده اونون یاخینلاری معلومات یاییب.

مأمورلار حیدرینین تبریز اونیورسیتتینین یاتاقخاناسینداکی اوتاغینا هجوم ائدیب، آختاریش آپاریب و اونا مخصوص بیر سیرا اشیالاری مصادیره ائد‌رک، طلبه‌نی اورادان چیخاریبلار.

معلوماتا گؤره، اونون تحصیلینه قاداغا قویولوب.

مأمورلار و اونیورسیتت رهبرلییی صدف حیدرینین اونیورسیتت‌دن و یاتاقخانادان قووولماسی سببلری ایله باغلی معلومات وئرمه‌ییبلر.

آذربایجان‌لی طلبه‌نین یاخینلاری ایله اونون ابراهیم رئیسینین اؤلومو ایله باغلی پایلاشیملارینا گؤره جزالاندیریلدیغینی دئییرلر.