فرانسا پرزیدنتی امانوئل ماکرونون «آوروپا اوردوسو» ایدئیاسی ایفلاسا اوغرادیقدان سونرا ناتو فعال‌لیغینی آرتیریب. ماکرونون بیر نئچه ایل اول «ناتو بئیین اؤلومو کئچیریب» ایفاده‌سینین ده رئال‌لیقلا علاقه‌سی یوخدور. تشکیلات عضولریندن مجاریستانی چیخماق شرطیله، شمالی آتلانتیکا بلوکو اوکراینانی قوروماق ایستراتگییاسینی گوجلندیریب.

Axar.az خبر وئریر کی، بو فیکیرلر «اطلس» آراشدیرمالار مرکزینین آنالیزینده عکس اولونوب.

مرکزین آنالیزینده اوکراینایا حربی تکنیکا گؤندره‌ن ناتو اؤلکه‌لرینین کیئوه روسیاداکی حربی هدفلری وورما اجازه‌سی وئردیی وورغولانیر:

«نیدرلانددا یئرلشن اف-۳۵ قیریجی طیاره‌لری بو آیدان باشلایاراق، ناتو-نون نووه میسییاسینی حیاتا کئچیره‌جک. بو حاق‌دا ناتو باش کاتیبی ینس ایستولتنبرگ آچیقلاما وئریب. ناتو-یا عضو دولتلرینین مدافعه ناظرلرینین بروکسل‌ده‌کی توپلانتی‌سیندا نووه تهلوکه‌سیزلییی موضولاری مذاکیره اولوناجاق. عینی زامان‌دا آمریکانین آوروپاداکی نووه سلاحلارینین مدرلشدیریلمه‌سی ده مذاکیره اولونان موضوع‌‍لارداندیر. بونا سبب روسییا رسمیلرینین نووه سیلاحییلا باغلی هده‌لییجی آچیقلامالارینین سایینی آرتماسیدیر».

آنالیزده ناتو-یا عضو اؤلکه‌لردن نیدرلاندلا چین آراسیندا یارانان گرگینلییه ده توخونولوب:

«چین قیریجیلاری شرقی چین دنیزین‌ده «پوتنسیال تهلوکه‌لی وضعیت» یاراداراق نیدرلاند کرال حربی دنیز قوه‌لرینین «هنلمس ترومپ» فرقاتینا یاخینلاشیبلار. ایکی چین قیریجی‌سی نیدرلاند حربی گمی‌سینین اوزریندن بیر نئچه دفعه اوچوب. چین تایوان آداسی اطرافیندا حربی گمیلرینین و قیریجی طیاره‌لرینین سایینی آرتیردیقجا بؤلگه‌ده گرگینلیین آرتاجاغینی پروقنوزلاشدیرماق اولار».