آمریکا سفیرلیی ایرواندا داوام ائد‌ن نمایشلری ایزلییر.

Axar.az خبر وئریر کی، بو سؤزلر آمریکا-نین ارمنیستان‌داکی سفیرلیینین اؤتن گون آکسییاچیلارلا پلیس آراسیندا باش وئرن توققوشما حاقدا یایدیغی بیاناتیندا عکس اولونوب.

«بیز اعتراضچیلاری زوراکیلیقدان چکینه‌رک مسئولیتلی شکلده سربست توپلاشماق حقوقوندان استفاده ائتمه‌یه چاغیریریق. سیاسی فکر آیریلیقلارینین حلی دموکراتیک پروسسلرله تامین ائدیلیر.

بیز همچنین حقوق-محافظه ارگانلارینی وطنداشلارین سؤز و سربست توپلاشماق حقوقونو تامین ائتمکله اجتماعی آساییشی قوروماغا و نمایشلری ایشیقلاندیران ژورنالیستلرله باغلی پروسدورلار دا داخل اولماقلا، ممکون پوزونتولارین باش وئردیی بوتون حادثه‌لری آراشدیرماغا چاغیریریق»، - بیاناتدا وورغولانیب.

قید ائدک کی، اؤتن گون ارمنیستان‌دا کشیش باگراتین رهبرلیک ائتدیی آکسییاچیلارلا پلیس آراسیندا پارلامنت بناسی یاخینلیغیندا قارشیدورما باش وئریب. قارشیدورما زمانی پلیس سس و توستو بمبالاریندان دا استفاده ائدیب. نتیجه‌ده ۱۷ پلیس، ۹۸ آکسییاچی یارالانیب. یارالانانلار آراسیندا مدیا نماینده‌لری ده وار.