دلیمیتاسییانین نوبتی مرحله‌سینین زنگزوردان (سونیک) باشلاماسی ممکوندور، لاکن بو، ایسته‌نیله‌ن باشقا اراضیده باش وئره بیلر

Axar.az خبر وئریر کی، بو سؤزلری ارمنیستان باش ناظیری نیکول پاشینیان «آزادلیق» رادیوسونا آچیقلاماسیندا دئییب.

«حاضردا قانون لایحه‌سی اوزرینده ایشلییریک. اولجه‌دن راضیلاشدیریلماقلا، اونون تصدیقیندن سونرا قرار وئریله‌جک.

دونه‌ندن زنگزور رایونوندایام، هم سرحدیانی، هم ده غیر-سرحد یاشاییش منطقه‌لرینده اونلارلا گؤروش کئچیرمیشه‌م. گؤروندویو کیمی، رئال ارمنیستانین گوندمی و صلح گوندمی خالقیمیزا آیدیندیر. بو چوخ واجب‌دیر. بو او دئمکدیر کی، بیز نه ائتدییمیزی و نه اوچون ائتدییمیزی خالقیمیزا چاتدیرا بیلمیشیک.

بو کنتکستده دلیمیتاسییا و دیگر مسئله‌لر اوپراتیو مسئله‌لره چئوریلیر. حکومت طبیعی کی، نه باش وئردیینی، نه اوچون باش وئردیینی، مقصدین، ریسکلرین ندن عبارت اولدوغونو و ریسکلرین اداره ائدیلمه‌سی اصوللاریمیزی اجتماعیته گئنیش شکلده چاتدیرماغا داوام ائتمه‌لیدیر. بیز بو منتیقی رهبر توتاراق ایر‌لی گئتملییک»، - پاشینیان قید ائدیب.