آنا صحیفه پلانت |
نیدرلاندین استعفایا گئدن باش ناظری مارک روتی ناتو باش کاتیبی وظیفهسینه تعیین اولونسا بئله، اورادا گلوبال دییشیکلیکلر اولمایاجاق. چونکی باش کاتیبین فونکسییاسی آمریکادا ایشلنیب حاظرلانمیش سیاستی سسلندیرمکدیر.
Axar.az خبر وئریر کی، بونو روسیا خاریجی ایشلر ناظرلیینین رسمیسی مارییا زاخارووا دئییب.
«ناتو باش کاتیبینین فیگورو سیاسی تأثیر باخیمیندان نومینالدیر. او، عنعنوی اولاراق آمریکانین حربی-سیاسی خادیملرینه رهبرلیک ائدن معاوینلری طرفیندن هر طرفدن گوجلو شکیلده احاطه اولونوب. او، خاریجده نه استحصال اولوندوغونو، نه گؤندریلدیینی، ایلک نوبهده آمریکانین، یاخود دا، آنگلو-ساکسون درین دولتینین محصولو اولدوغونو دیله گتیرمهلیدیر. بو، اونون فونکسییاسیدیر - سسلندیرمک، علاقه ساخلاماق. او، سیاست آپاران، قرارلارا تأثیر ائدن فیگور دئییل»، - زاخارووا بیلدیریب.
قیدی ائدک کی، ناتو باش کاتیبی ینس ایستولتنبرگ آلیانسین یئنی باش کاتیبی پوستونا ان یاخین نامزدین مارک روتنین اولدوغونو دئمیشدی.
تاریخ
2024.06.19 / 12:50
|
مولف
Axar.az
|