ارمنیستانین اؤزونو مدافعه ائتمک، فرانسادان و یا باشقا اؤلکه‌لردن سلاح آلماق حقوقو وار، لاکن صلح مقاوله‌سی امضالاماغا یاخین اولدوغوموز اوچون پاریسین بو آددیمی ارمنیستانلا آذربایجان آراسینداکی مناسبتلرده یئنی تخریباتچی المنتدیر.

Axar.az خبر وئریر کی، بونو آوروپا تهلوکه‌سیزلیک و امکداشلیق تشکیلاتی-نین مینسک گروپونون کئچمیش آمریکالی همصدری جیمز اورلیک دئییب.

او حساب ائدیر کی، فرانسا ارمنیستانلا سلاح تداروکو ایله باغلی مقاوله‌نی آذربایجانلا صلح سازشی امضالاندیقدان سونرا باغلامالی ایدی.

«ارمنیستانین مدافعه اولونماق حقوقو وار، اردوسو اولاجاق، اونو لغو ائتمه‌یه‌جک، سرحدلرینی ایسته‌نیله‌ن خارجی تهلوکه‌لردن قورویاجاق، لاکن تأسف کی، صلح سازشینه یاخینلاشدیقجا بئله بیر آددیم چاشقینلیق یارادیر و دانیشیقلاری داها دا چتینلشدیریر»، - اورلیک بیلدیریب.