اوکراینادا باش وئره‌نلره باخین: بو، قوشونلارین افغانیستان‌دان فلاکتلی شکیلده چیخاریلماسی ایله باشلادی. بو اوغورسوزلوقدان روحلانان روسییا اوکراینانی اشغال ائتدی. اونلار گؤردولر کی، بو آداملار (ایندیکی آمریکا آدمینیستراسییاسی) سرریشته‌سیزدیرلر.

Axar.az خبر وئریر کی، بو سؤزلری رسپوبلیکاچیلار پارتییاسیندان پرزیدنتلییه نامیزد دونالد ترامپ دئییب.

اونون سؤزلرینه گؤره، آمریکا قوشونلارینی افغانیستاندان چیخارماقلا ضعیفلیک گؤستریب و بوندان استیفاده ائد‌ن روسییا اوکراینایا هجوما کئچیب.

ترامپ قوشونلارین افغانیستاندان چیخاریلماسینی آمریکا تاریخینده «ان بؤیوک تحقیر» آدلاندیریب.

«بیز گئریده ۸۵ میلیارد دوللار دیرینده حربی تکنیکا و چوخلو آمریکا عسگری قویدوق»، - دئیه او وورغولاییب.