بنگلادش حاکمیتی کومندانت ساعتی باشلایاندان سونرا دککه و اؤلکه‌نین دیگر شهرلرینه حربی حیصه‌لرین داخیل ائدیلدیینی آچیقلاییب.

Axar.az خبر وئریر کی، بو باره‌ده «هیندیستان تایمس» قزئتی معلومات یاییب.

بیلدیریلیب کی، طلبه اعتراضچیلارلا پلیس آراسیندا توققوشمالار زامانی آزی ۱۰۵ نفر هلاک اولوب، ۷۰۰-دن چوخ انسان یارالانیب.

بنگلادشین باش ناظری شیخ هاسینانین سؤزچوسو نایمول اسلام خانین سؤزلرینه گؤره، حکومت کومندانت ساعتی تطبیق ائتمک و مولکی حاکمیته یاردیم اوچون سلاحلی قوه‌لری گؤندرمک قرارینا گلیب.

قید ائدک کی، اهالی ۱۹۷۱-جی ایلده بنگلادشده آزادلیق محاربه‌سینده دؤیوشموش وترانلارین عائله عضولری اوچون ایشه قبول پروسئسینده دولت قوروملاریندا ۳۰%-لیک کووتانین ساخلانیلماسینی طلب ائدیر.