تورکیه دولتی اؤلکه قانونوئریجیلیینین طلبلرینه محل قویمایان ۱۲ فرانسیز مکتبینین فعالیتینی تانیمیر.

Axar.az خبر وئریر کی، بو باره‌ده تورکیه‌نین میللی تحصیل ناظیری یوسیف تکین دئییب.

او قید ائدیب کی، تورکیه تحصیل ناظیرلیینه حسابات وئرمدیی اوچون همین مکتبلرده تحصیل آلانلارین سایینی بیلمیر:

«بو مکتبلر اؤلکه‌نین قانونوئریجیلیک چرچیوه‌سیندن کناردا فعالیت گؤستریر. اگر فرانسا طرفی اؤز موقعیینه یئنی‌دن باخارسا، او زمان تحصیل پروسسی ایله باغلی هئچ بیر شکایت اولمایاجاق. عکس حال‌دا، تحصیل ناظیرلیی اونلارین فعالیتینی رد ائدیر».

تکین خاطیرلادیب کی، آنکارا بو مسئله‌نی پاریس قارشی‌سیندا اوچ دفعه (۱۹۹۳، ۱۹۹۸ و ۲۰۰۰-جی ایللرده) قالدیریب، لاکن فرانسا طرفی هر دفعه تورکیه‌نین طلبلرینه محل قویماییب. اونون سؤزلرینه گؤره، رهبرلیک ائتدیی ناظیرلیک آرتیق ۱۲ فرانسیز مکتبینه قارشی حقوقی پروسدورلارا ال آتیب.