حماس سیاسی بوروسونون رهبری اسماعیل هنیه‌نین اؤلومو ایران-اسرائیل محاربه‌سینه گتیریب چیخارمایاجاق.

Axar.az خبر وئریر کی، بونو «نیو یورک تایمز» یازیب.

«هئچ بیر طرف یاخین شرقده گئنیش‌مقیاسلی محاربه‌ده ماراقلی دئییل. هنیه‌نین اؤلومو تهران اوچون آپرلین ۱-ده ایرانین سورییاداکی سفیرلیینده یوکسک رتبه‌لی سپاه ضابطلرینین اؤلدورولمه‌سی ایله مقایسه‌ده داها آز ایتکیدیر»، - نشر بیلدیریب.

نشرین یازدیغینا گؤره، هنیه‌نین اؤلومو حماس-ین محو اولماسی دئمک دئییل:

«حماس اوخشار وضعیتله چوخ اوزلشیب و بو اونون داها دا گوجله‌نمه‌سینه سبب اولوب. هنیه‌نی اوز ائد‌جک بیر چوخ باشقا لیدرلر وار، چونکی حماس کونکرت شخصلره دئییل، اؤز اینستیتوتلارینا گوونیر».