۲۶ ایول‌دا پاریسده کئچیریله‌ن یای اولیمپیا اویونلارینین آچیلیش مراسمی زمانی "فرانس ۲" تلکانالینین اؤلکه‌میزه قارشی غرضلی موقعیینی و تخریباتینی «فرانس۲۴» داوام ائتدیریب.

Axar.az خبر وئریر کی، فرانسا کانالی کوپ۲۹ عرفه‌سینده آذربایجان‌دا انسان حقوقلارینین وضعیتینین «مباحثه‌لی» اولماسیندان بحث ائدیب. سبب کیمی ایسه قاراباغین «بلوکاداسی» و ۲۰۲۳-جو ایلین سنتیابرین‌دا گئدن دؤیوشلرین «اهالی»نین (ارمنی ساکنلر نظرده توتولور – رئد.) «مجبوری» کؤچکونلویونه گتیریب چیخارماسینی گؤستریب.

رسمی ایروانین بئله بیر ادعادا اولماماسینا باخمایاراق، «فرانس۲۴» ارمنیلرین قاراباغ‌دان کؤنوللو و هئچ بیر تهلوکه اولمادان چیخیب گئتمه‌سینی حیاسیزجاسینا «قویقیریم» آدلاندیریب و بو سؤزو ایشلتمک اوچون بین‌الخالق جنایت محکمه‌سینین کئچمیش پروکورورو لویس مورنو اوکامپویا استناد ائدیب.

کانال ثابق پروکورورا ندنسه چوخ یئر آییریب و اونون کئچمیش قوندارما قورومون رهبری اولان، چوخسایلی جنایت عمللری تؤردن و حاضردا باره‌لرینده حبس قطعی‌امکان تدبیری سئچیله‌رک، باکی‌دا ساخلانیلان آرکادی گوکاسیان، باکو ساآکیان و آرایک آروتیونیانین حبسینی قانونسوز آدلاندیرماسینی ائفیره وئریب. ماراقلی‌دیر کی، روبن واردانیان دا «خیریه‌چی ایش آدامی» کیمی تقدیم ائدیلیب. حالبوکی واردانیانین روسیا حاکم دایره‌لرینین چیرکلی پوللارینین یویولماسیندا مستثنا خدمتی و بو شخصین قارا ایشلری حاقیندا غرب مدیاسی و آراشدیرماچیلاری توتارلی فاکتلارلا دفعه‌لرله چیخیش ائدیبلر.

گؤرونور، فرانسا آذربایجانا قارشی تخریباتچی تبلیغاتینی دایاندیرماق نیتینده دئییل و بوتون تدبیرلردن – ایستر پاریس‌ده کئچیریله‌ن اولیمپییا اویونلاری، ایسترسه ده باکی‌دا باش توتاجاق کوپ۲۹-دان اؤز چیرکین مقصدلری اوچون استفاده ائتمکده ماراقلی‌دیر.