تورکییه تام حقوق‌لو حربی-سیاسی بلوک یاراتماغی پلانلاشدیریر. تورک دولتلری تشکیلاتی آنکارانین رهبرلییی آلتیندا بونونلا فعال شکیلده مشغولدور.

Axar.az خبر وئریر کی، بونو روسیالی حربی اکسپرت آلکساندر آرتامونوو دئییب.

«بو، آذربایجان، قیرغیزیستان و قازاخستانی بیرلشدیره‌جک واحید انرژی و اقتصادی مکان اولاجاق. تورکییه پرزیدنتی رجب طیب اردوغان تورک دولتلری تشکیلاتینین موقعینی گوجلندیرمه‌یه و اونا رهبرلیک ائتمه‌یه چالیشیر. آذربایجان اوردوسو آرتیق ناتو استاندارتلارینا اویغون حاضرلانیب، اسرائیل و ترکییه سلاحلاری ایله سیلاح‌لانیب. قیرغیزیستان و قازاخیستان گئتدیکجه «تورک ناتو-سو»نا دوغرو ایرلیلییر»، - او بیلدیریب.

اکسپرتین فیکرینجه، تشکیلات نه واختسا تورکدیللی بؤلگه‌لرین روسییادان آیریلماسیندان دانیشا بیلر. او، بو سنارینی ترکییه و آذربایجان حاکمیتینین روسییانی جنوبی قفقازدان سیخیشدیرماق سیاستینین بیر حیصه‌سی آدلاندیریب:

«تورکییه اورتا آسییا رسپوبلیکالاریندا دا اؤز تأثیرینی آرتیریر، اورایا فکرلرینی آشیلاییر. روسیا تورک دولتلری تشکیلاتینا دعوت ائدیلمیر، چونکی اونون تشکیلات‌دا اشتراکی آلترناتیو تأثیر مرکزی یارادا بیلر. بونونلا بئله، روسیا طرفینین تشکیلاتا قوشولما پرسپکتیوی آرتیر. بئله بیر قرار ترکییه‌نین بریکس-ا قوشولماسی مقابیلینده وئریله بیلر».