آمریکانین ویتسه‌پرئزیدئنتی کمالا هاریس دموکراتلارین، فعاللاشان و سس‌وئرمه احتیمالی آرتان گنج قارادریلی سئچیجیلرین، اونلارین ماراقلارینی قوروماق اوچون داها چوخ ایشلر گؤرجیینه اینانان قادینلارین دستیی سایه‌سینده ۲۰۲۴-جو ایل پرزیدنت‌لیک یاریشیندا اوغور قازانماغا موفق اولوب.

Axar.az خبر وئریر کی، بو باره‌ده «سی.بی.اس نیوز/یووگوو» سورغوسونون نتیجه‌لرینده بیلدیریلیب.

قید اولونوب کی، هاریس و دونالد ترامپ اساس ایشتاتلاردا دستک باخیمیندان برابردیر:

«سئچکیلرین نتیجه‌سینی معین ائد‌ن اساس ایشتاتلاردا دموکراتلار و رسپوبلیکاچیلار پارتییالاریندان اولان نامیزدلرین غالیب گلمک شانسی آرتیق برابردیر. سورغولار گؤستریر کی، هر ایکی نامیزد میچیگان‌دا ۴۸ فایز، پنسیلوانییادا ۵۰ فایز، آریزونادا ایسه ۴۹ فایز سس توپلاییب. ترامپ ویسکونسین (اونون اوچون ۵۰%، هاریس اوچون ۴۹%)، جورجییا (۵۰% و ۴۷%) و شیمالی کارولینادا (۵۰% و ۴۷%) جزعی اوستونلوک نماییش ائتدیریر. هاریس نئوادا ایشتاتین‌دا ترامپ‌دان بیر قدر اوستوندور (۵۰% - ۴۸%)».

لاکین ترامپین خیرینه بعضی کریتیک عامللر دییشمه‌ییب: او، سئچیجیلر آراسیندا اهمیت‌لی لیدرلیینی قورویوب ساخلاییر، اونلارین مالیه جهتدن یاخشی وضعیتده اولاجاغینی، اونون سیاستینین سرحدده‌کی میقرانتلارین سایینی آزالداجاغینی ادعا ائدیر. اما عینی زامان‌دا، «مطلق سس وئره‌جکلرینی» دئیه‌ن دموکراتلارین سایی بو ایل ان یوکسک سوییه‌یه یوکسلیب.