آمریکانین ارمنستانین روسییادان اوز دؤندرمک ایسته‌مه‌سی ایله باغلی بیاناتلاری اساس‌سیزدیر، روسییا ایله ارمنستان آراسین‌دا عصرلر بویو فورمالاشمیش علاقه‌لر غربین اونلاری معروض قویدوغو بوتون گوج سیناقلارینا تاب گتیره‌جک. تاریخ بویو بیز قارداش ارمنی خالقی ایله دفعه‌لرله چیین-چیینه وئرمیشیک و بونو گله‌جکده ده ائتمک نیتیندییک.

Axar.az خبر وئریر کی، بو سؤزلری روسییا خاریجی ایشلر ناظرلییی سؤزچوسو مارییا زاخارووا «ریا نووستی»یه آچیقلاماسیندا دئییب.

«اوبرایئنین ارمنستانین روسییادان اوز دؤندرمک ایسته‌مه‌سی ایله باغلی اساس‌سیز بیاناتلارینا گلینجه، بو، آمریکالیلارا خاص اولان گئوسییاسی مهندسلیین نوبتی نمونه‌سی‌دیر - دونیا اجتمایتینین گؤزون‌ده واشینگتونا لازیم اولان «رئال‌لیغی» اویدورماق ایستییدیر. بونون باش وئره‌نلرله هئچ بیر علاقه‌سی یوخدور»، - زاخارووا بیلدیریب.

قید ائدک کی، ارمنستان ک.ت.م.ت تعلیملرین‌دن امتنا ائد‌رک، آمریکا بیرگه حربی تعلیملر کئچیریب. عینی زامان‌دا، آمریکانین حربی طیاره‌لری آرتیق زوارتنوتسا ائنیب. اونون داشیدیغی تکنیکالارین زنگزورا یئرلشدیریلدیی باره‌ده معلوماتلار وار.

عینی زمان‌دا، آمریکا ارمنستاندا موشاویر ده تعیین ائدیب.