اوکراینا اوردوسونون کورسک بؤلگه‌سینه گیرمه‌سیندن سونرا کیئو روسییا اراضی‌سینه آتاجمس-لا ضربه‌لر ائندیرمک اوچون یئنی‌دن آمریکایا مراجعت ائدیب.

Axar.az خبر وئریر کی، بو باره‌ده «واشینگتن پوست» زلنسکینین آدینین آچیقلانماسینی ایسته‌مه‌یه‌ن مشاویرینه استنادا معلومات یاییب.

«بئله بیر سیاسی قرار اوکراینا سلاح‌لی قوه‌لرینه کورسک ویلایتینین اله کئچیریلمیش اراضیلرینی قورویوب ساخلاماغا امکان وئره‌جک. مسئله بودور کی، بو، روسییا ایله دانیشیقلار اوچون لازیمی ریچاق وئره‌جک. اوچ گون عرضینده کورسک ویلایتینده اوکراینا اوردوسو تخمیناً ۱۰۰ کم² اراضینی اله کئچیریب و یوزلرله روس عسگرینی اسیر گؤتوروب. اونلار «گازپروم»ون آوروپایا یاناجاق تداروکو اوچون استفاده ائتدیی «سوجا» گازپایلاما استانسییاسینا دا نظارت ائدیرلر»، - او بیلدیریب.

نشر قید ائدیر کی، روسییا قیریجیلارینین اوکراینا قوه‌لرینین مؤقعلرینی بومبالاماق اوچون هاوایا قالخدیغی حربی آیرودروملارا اوزاق منزیل‌لی راکتلردن استفاده ائدیلمه‌سی پلانلاشدیریلیر.