بؤیوک بریتانییانین مدافعه ناظرلییی تصدیق ائدیب کی، اوکراینا روسییا اراضی‌سینده، او جمله‌دن کورسک ویلایتینده هجوم زمانی بریتانییا سلاحلاریندان سربست استفاده ائده بیلر.

Axar.az خبر وئریر کی، بو باره‌ده «تایمز» نشری یازیب.

«بؤیوک بریتانییا حکومتینین سیاستین‌ده هئچ بیر دییشیکلیک اولماییب. ب.ام.ت نظامنامه‌سینین ۵۱-جی ماده‌سینه اساساً، اوکراینانین روسییانین قانون‌سوز هجوملارینا قارشی اؤزونو مدافعه ائتمک حقوقو وار. بو، روسییاداکی عملیاتلاری استثنا ائتمیر»، - مدافعه ناظیرلییی رسمی‌سی نشره آچیقلاماسیندا دئییب.

بؤیوک بریتانییانین کئچمیش مدافعه ناظری بن اولئس ده بیلدیریب کی، اوکراینا اوللر اوزاق منزیل‌لی «استورم شادوو» راکتلری استثنا اولماقلا، اونا وئریله‌ن ایسته‌نیله‌ن سلاحدان استفاده ائتمکله روسییا اراضی‌سینده‌کی هدفلری وورماق اجازه‌سی آلیب. او، عینی قایدالارین اوکراینانین کورسک ویلایتینده‌کی عملیاتینا دا شامیل ائدیلمه‌سینی تکلیف ائدیب:

«اگر بو هجوملار اوکراینانین اشغالینی دستکله‌یه‌ن لوجستیکانی و اینفراستروکتورو محو ائتمک مقصدی داشیییرسا، او زمان بریتانییا سلاحلاریندان استفاده ائتمک تمامیله قانونی‌دیر».