اسرائیلین باش ناظری بنیامین نتانیاهونون اوفیسی ملی بیرلیک پارتییاسینین صدری بننی قانتزدان مارت آییندا ناظر اولارکن آمریکا و بؤیوک بریتانییایا سفرلرینین خرجلرینی اؤد‌مک اوچون گؤتوردویو ۷۰ مین شکلی (۱۹ مین دلار) دولت خزینه‌سینه قایتارماسینی طلب ائدیب.

Axar.az خبر وئریر کی، بو باره‌ده ایرائیلین ۱۳-جو کانالی معلومات یاییب.

قانتزا گؤندریله‌ن مکتوب‌دا نتانیاهو همین سفری تصدیق ائتمدیی اوچون پوللارین قایتاریلماسینی طلب ائدیب.

معلومات‌دا قید اولونوب کی، حکومت سیاستینه اساساً، باش ناظر دیگر ناظرلرین خاریجه سفرلرینی تصدیقله‌مه‌لیدیر.

بونا جواب اولاراق قانتزین اوفیسین‌دن بیلدیریلیب کی، اونون واشینقتون‌دا یوکسک سوییه‌لی آمریکا رسمیلری، او جمله‌دن ویتسه-پرزیدنت کمالا هاریسله گؤروشدویو سفر اسرائیلین تهلوکسیزلیینی قوروماق اوچون مهم‌دور.