۱۰ گون اول ایرانین بیر نئچه شهرینده باشلایان طب باجیلارینین اعتراض آکسییالاری بو گون‌ده داوام ائدیب.

َAxar.az خبر وئریر کی، بو باره‌ده انسان حاقلاری فعاللاری معلومات یاییبلار.

بیلدیریلیب کی، آغیر تهلکه‌سیزلیک تدبیرلرینه باخمایاراق، بو گون سحر ساعتلاریندا خرم‌آباد و ببول شهرلرینین طب باجیلاری اعتراض آکسییاسی کئچیریبلر.

اونلار "طب باجیسی اولماسا سیستم چؤکر"، "وعده-وعید بسدیر، سفره‌لریمیز بوشدور"، "لیاقتسیز مسئول استعفا، استعفا" و باشقا شعارلار سسلندیریبلر.

اعتراضچیلار حقوقلارینین پوزولماسینی عکس ائتدیرن شعارلار یازیلمیش پلاکاتلار قالدیریبلار.

قید ائدک کی، بو گونه کیمی اؤلکه‌نین ۳۷ شهرینین ۶۰ خسته‌خاناسینین اون مینلرله طب باجیسی اعتراض آکسییالاری کئچیریبلر.

اونلار امک حاقلارینین آز اولماسی، واختیندا اؤدنیلمه‌مه‌سی، علاوبه ایش ساعتلارینا گؤره وسایت نظرده توتولماماسی و قانونلا نظرده توتولان باشقا حقوقلارینین تامین اولونماماسیندان ناراضیلیق ائدیرلر.

صیه سیستمینین نماینده‌لری و مسئول شخصلری طب باجیلارینین ایشی دایاندیرمالارینین خسته‌خانالاردا پروبلئملرین آرتماسینا سبب اولدوغو دئییرلر.

اعتراضلارین قارشیسی‌نین آلینماسی اوچون تهلکه‌سیزلیک مأمورلاری طب باجیلارینا تهدید مئساژلاری گؤندریر، اونلاردان آکسییالارا قوشولماماغی طلب ائدیرلر.