روسییا پرزیدنتی ولادیمیر پوتینین ایکی آزیاشلی اوغلو وار ایمیش.

Axar.az خبر وئریر کی، بو ادعا ایله «دوسیه» مرکزی چیخیش ائدیب.

مرکز پوتینین ایوان و ولادیمیر آدلی اوغوللارینین کئچمیش گیمناست آلینا کابایئوادان اولدوغونو یازیب.

معلوماتا گؤره، روسییا پرزیدنتینین ایلک اوغلو ایوان ۲۰۱۵-جی ایلده ایسوچره‌ده، ولادیمیر ایسه ۲۰۱۹-جو ایلده مسکوادا دونیایا گلیب. اونلارین گیزلی کیم‌لیک آلتیندا یاشادیغی، پوتینه باغلی طیاره و یاختالاردا حرکت ائتدیکلری، فدرال محافظه خدمتی طرفیندن تهلوکه‌سیزلیکلرینین تعمین اولوندوغو بیلدیریلیر.

«دوسیه» یازیر کی، ولادیمیر و ایوان پوتینین اقامتگاهیندا یاشاییرلار. هر ایکی اوشاق اوچون والدایدا خصوصی تدریس مرکزی آچیلیب، اونلارا معلم ایسه «انگلیش ناننی» آگنت‌لییی واسطه‌سیله آختاریلیب. اوشاقلارا درس دئیه‌ن معلملرین جنوبی آفریکا رسپوبلیکاسیندان گتیریلدیی، اونلارین اقامتگاه اراضی‌سینی ترک ائتمه‌سینین قاداغان اولوندوغو وورغولانیب.

فوتوداکی اوشاغین اونون بؤیوک اوغلو ایوان اولدوغو ادعا ائدیلیر.