گورجوستان‌دا ل.گ.ب.ت تبلیغاتینی قاداغان ائد‌ن قانون لاییحه‌لری پاکتی ایکینجی اوخونوشدا قبول اولونوب.

Axar.az خبر وئریر کی، اجلاس قانونوئریجی ارگانین اینترنت سایتیندا جانلی یاییملانیب.

قانون لاییحه‌لری پاکتی ۸۱ سسله قبول ائدیلیب.

یئنی قانون لاییحه‌سینه اساساً، عینی‌جنسلیلرین نکاحی، جنسیتینین دییشدیریلمه‌سی اوچون طبی پروسدورلار، اوشاقلارین غیر-هتروسکسوال شخصلر طرفیندن اولادلیغا گؤتورولمه‌سی، ل.گ.ب.ت-نین تحصیل موسسه‌لرین‌ده و مدیادا تبلیغی قاداغان اولونور.

تحصیل موسسه‌لرین‌ده ل.گ.ب.ت تبلیغاتینا گؤره فیزیکی شخصلر ۱،۵ مین لاری (تخمیناً ۵۳۲ دوللار)، حقوقی شخصلر ۴ مین لاری (۱،۴ مین دلاردان چوخ) مبلغینده، ل.گ.ب.ت موضوع‌سوندا رکلامین یاییلماسینا گؤره فیزیکی شخص ۸۰۰ لاری (تخمیناً ۲۸۴ دوللار)، حقوقی شخص ۲،۵ مین لاری (تخمیناً ۸۸۶ دلار) مبلغینده جریمه‌لنه‌جکلر.