ایرانین گیلان ایالتینین رشت شهرینده داها ایکی گنج پلیس قوه‌لرینین ایشگه‌نجه‌سی نتیجه‌سینده هلاک اولوب.

Axar.az خبر وئریر کی، بو باره‌ده انسان حاقلاری تشکیلاتلاری معلومات یاییب.

بیلدیریلیب کی، عسگرلیک خدمتی ائدن امیر رضا حامدی عثمانوندانی شفت شهرینین پلیس بولمه سینده قتله یتیریلیب.

مازیار مودب آدلی باشقا بیر گنج ایسه رشت شهرینین پلیس بؤلمه‌سینده پلیسلرین رزین دینکله ائندیردیی ضربه‌لردن سونرا حیاتینی ایتیریب.

رسمیلر هر ایکی گنجین انتیحار ائتدیینی ادعا ائتسه‌لرده، اونلارین عائله‌لری گنجلرین اوزرینده چوخسایلی ایشگه‌نجه ایزلرینین اولدوغونو بیلدیریبلر.

هر ایکی گنج بوندان اول اعتراض آکسییالاریندا اشتراک ائتدیکلرینه گؤره حبس ائدیلیبلر.

قید ائدک کی، بونونلادا سون ۱ آی عرضینده ایراندا ایشگه‌نجه آلتیندا اؤلدوروله‌نلرین سایی دؤرده چاتیب.

بوندان اول کرمانشاه ایالتینین گیلانغرب شهری و گیلان ایالتینین لاهیجان شهرینین تجریدخانالاریندا پلیس ایکی گنجی دؤیه‌رک هلاک ائدیب.