روسییا پرزیدنتی ولادیمیر پوتین ترکیه‌یه گئدرکن طیاره‌سینین قیریجیلارلا موشایعت اولونماسینی ایستییر.

Axar.az خبر وئریر کی، بو باره‌ده «میددل ایست ای» نشری منبع‌لره استنادا معلومات یاییب.

بیلدیریلیب کی، پوتین اوکراینانین اونون طیاره‌سینه اوچوش مارشروتو بویونجا هجوم ائده بیلجیی احتمالیندان احتیاط ائد‌رک، روسییا دؤیوش طیاره‌لرینین محافظه‌سی آلتیندا ترکیه‌یه اوچماق ایستییر. محض بو سببدن روسییا پرزیدنتینین آنکارایا سفری گئجیکیر.

نشرین قید ائتدیی کیمی، مسکوانین طلبینی یئرینه یئتیرمک چتین‌دیر، چونکی ناتو-نون هاوا هجوموندان مدافعه سیستملری ترکییه‌ده یئرلشیر و روسییا قیریجیلارینی دوشمن هدفلری کیمی قبول ائده بیلر.

منبع آیدینلاشدیریب کی، ترکیه پوتینین سفری اوچون هاوا هجوموندان مدافعه سیستملرینی سؤندورمک و یا دییشدیرمیی پلانلاشدیرمیر. سون مذاکره‌لرده روسییا پرزیدنتینین اوکتیابرین ایلک هفته‌سینده گلیشی احتمالی نظردن کئچیریلیر، لاکین یئنی طلبلر ممکن سفری چتینلشدیریر.