اوکراینا اوردوسو روس قوشونلارینین گیزلندیی مئشه‌لیک اراضیلره ترمیت قاریشیغی سپمک اوچون «اژداها» آدلانان درونلاردان استفاده ائتمه‌یه باشلاییب.

Axar.az خبر وئریر کی، بو باره‌ده "دفنس نیوز" نشری معلومات درج ائدیب.

معلوماتا گؤره، اکسپرتلر حساب ائدیرلر کی، بو جور سلاحلاردان استفادنین ایکی مقصدی وار: اونلار دوشمن مؤقعلرینی آشکار ائتمک و اشغال‌چی قوشونلار آراسیندا قورخو یاراتماق اوچون اوجوز واسطه رولونو اویناییر.

"بو ترمیت درونلارینین اساس هدفی روسییا قوشونلارینین مئشه‌لیک اراضیلرده گیزله‌نمک اوچون استفاده ائتدیی آغاج و یارپاق اؤرتویونو محو ائتمکدیر. ایکینجی‌سی، اونلار چوخ گمان کی، پسیخولوژی سلاح کیمی نظرده توتولوب"، - کرال مدافعه آراشدیرمالاری اینستیتوتونون باش علمی ایشچی‌سی جاستین برونک بیلدیریب.