عراق بانکلاری آمریکانین سانکسییالارینی پوزاراق ایران رژیمینه و سپاه-آ میلیاردلارلا دلار کؤچوروب.

Axar.az خبر وئریر کی، بو بابره‌ده "وال استریت ژورنال" معلومات یاییب.

بو عملیاتلارآمریکانین عراق اوچون حاضیرلادیغی سیستم واسطه‌سیله، سپاه و اونا باغلی پروکسی گروپلارینی مالیه‌لشدیرمک مقصدیله حیاتا کئچیریلیب.

پول کؤچورمه‌ فعالیتلرینین اساس آپاریجیسی عراقلی سرمایه‌چی علی غلام اولوب. بو پوللارین بؤیوک بیر حیصه‌سی سپاه و اونونلا علاقه‌لی گروپلارین حسابلارنا کؤچورولوب.

بو عملیاتلار ایران رژیمینه قارشی بین‌الخالق سانکسییالاردان یایینماق اوچون ساختا شیرکتلر و ساختا حساب-فاکتورالار واسطه‌سیله حیاتا کئچیریلیب.

آمریکا منبع‌لرینین سؤزلرینه گؤره، بو قانونسوز کوچورمه‌لر سپاه، حزبوللاه و حماس کیمی حربی و تررور گروپلارینین مالیه‌لشدیریلمه‌سی ایله باغلی ناراحاتلیقلاری آرتیریب.