سنتیابرین ۱۲-ی گئجه ساعتلاریندا ایرانین سیستان و بلوچیستان ویلایتینین میرجاوه شهرینده سلاحلی شخصلرین هجومو نتیجه‌سینده ۳ سرحدچی هلاک اولوب.

Axar.az خبر وئریر کی، بو باره‌ده ایران مئدیاسی معلومات یاییب.

اؤلدورولنلرین میرجاوه سرحد آلایی‌نین مامورلاری امیر ابراهیم‌زاده، پارسا سوزنی و ستوان امین نارویی اولدوقلاری بیلدیریلیب.

حادثه‌دن قیسا مدت سونرا اتنیک بلوچلارین سلاحلی تشکیلاتی اولان "جیش العدل" بیانات یایاراق هجومون مسئولیتینی اؤز اوزرینه گؤتوروب.

"بو، یوخسول خالقا و خصوصیله مجبوریتدن پراکنده یاناجاق آلوئری ایله مشغول اولان شخصلره قارشی حکومت مأمورلارینین قددارلیغینا جوابدیر"،- بیانات‌دا بیلدیریلیب.