بو سیستم و حکومت امام زامانین ظهور ائتمه‌سینه زمین یاراتماق اوچون ایش اوستونده‌دیر، وظیفه‌میز بو ظهورون تئزلشمه‌سی اوچون باشقا اؤلکه‌لرده ده شرایط حاضرلاماقدیر.

Axar.az خبر وئریر کی، بو سؤزلری علی خامنه‌ای‌نین خراسان رضوی ویلایتینده‌کی نماینده‌سی و مشهدین جمعه امامی احمد علم الهدا دئییب.

او، ایران حاکمیتینی قید اولونان ظهور اوچون بوتون دونیا اؤلکه‌لرینین خالقلاری آراسیندا سیاسی-ایدئولوژی تبلیغاتی گوجلندیرمه‌یه، ایش آپارماغا چاغیریب.

قید ائدک کی، جمعه امامینین تکلیفی ایران انقیلابینین بانیسی روح‌اوللاه خمینی‌نین نظریه‌سیدیر.

ایران حاکمیتی بو نظریه‌نین خصوصاً قونشو اؤلکه‌لرده یاییلماسی اوچون هر ایل دولت بودجه‌سیندن یوکسک مبلغ‌ده وسایت آییریر.