ایران حکومتی غرب‌ده جنایتکار شبکه‌لرین خیدمتیندن استفاده ائد‌رک مخالف مهاجرلره قارشی تررور عملیاتلاری حیاتا کئچیرمه‌یی پلانلاشدیریر.

Axar.az خبر وئریر کی، بو باره‌ده "واشنگتن پست" معلومات یاییب.

«واشنگتن پست» بونو تهلوکه‌سیزلیک خیدمتلرینین سندلرینه و ۱۲-دن چوخ اؤلکه‌نین یوکسک وظیفه‌لی شخصلری ایله مصاحیبه‌لرینه استنادا بیلدیریب.

"اسلام رسپوبلیکاسی اؤزونون تهلوکه‌سیزلیک مأمورلاریندان استفاده ائتمه‌دن جنایتکار گروپلاردان قاتیللر جلب ائد‌رک مختلف اؤلکه‌لرده اؤز علیه‌دارلارینا قارشی سو-قصدلر پلانلاشدیریب"،- نشر بیلدیریب.

معلوماتدا قید اولونوب کی، ایرانین هدفلری آراسیندا آمریکانین مریلند اشتاتیندا ساختا کیم‌لیکله یاشایان کئچمیش ایرانلی حربچی، بروکلین‌ده مهاجرت‌ده اولان ایرانلی ژورنالیست، سوئیس‌ده قادین حقوقلاری فعالی، آلمانییادا جنسی آزلیقلارین حقوق مدافعه‌چیلری، بریتانیادا یاشایان ان آزی بئش ایرانلی ژورنالیست، همچینین ان آزی باشقا آلتی اؤلکه‌ده یاشایان دیسیدنتلر و حکومتی تنقید ائد‌نلر وار.

معلوماتین یاییلماسیندان سونرا ایرانین بیرلشمیش میللتلر تشکیلاتینداکی نمایندلیینین باشچیسی سعید ایروانی مسئله‌یه مناسبت بیلدیریب.

او، همین معلوماتلارین دوغرو اولمادیغینی، بونون اسرائیل و ایران حکومتینه مخالف تشکیلاتلار طرفیندن اویدورولدوونو ادعا ائدیب.

قید ائدک کی، بیر مدت اول واشنگتن انستیتوتو سون ۵ ایلده باش وئره‌ن تررور آکتلارینین ۸۸-نین تهران رژیمینه باغلی اولدوغونو بیلدیریب.

معلوماتدا، خصوصاً ۲۰۲۲-جی ایلدکی عمومی اعتراض آکسییالاریندان سونرا تهران رژیمینین خارجده‌کی مخالفلره قارشی تررور جهدلرینین داهادا آرتدیغی، بونلاردان ۱۴-نون جنایتکار شبکه‌لره باغلی قاتیللر طرفیندن حیاتا کئچیریلدیی دقته چاتدیریلیب.