ایران‌دا افغانستانلی قاچقینلارا قارشی تضییقلرین داوامیندا بیر نئچه ویلایتده چؤرک ماغازالاری و سئخلرینه افغانستانلیلارا چؤرک ساتیلماماسی باره‌ده گؤستریش وئریلیب.

Axar.az خبر وئریر کی، بو باره‌ده افغانستانلی قاچقینلار سوسیال مئدیادا پایلاشیم ائدیبلر.

اونلار بو حرکتین کرمان ولایتی‌نین بردسیر شهریندن باشلادیغینی و بیر نئچه گون عرضینده باشقا شهرلرده ده تطبیق ائدیلدیینی بیلدیریبلر.

"قاچقینلارا چؤرک ساتیشی قاداغاندیر، عکس تقدیرده قایدانی پوزانلارا قارشی حقوقی اؤلچو گؤتوروله‌جک‌دیر"،- چؤرک ماغازالارینین قاپیلارینا آسیلان لوحه‌لرده خبردارلیق ائدیلیب.

قید ائدک کی، بیر نئچه گون اول ایرانین داخلی ایشلر ناظرلییی ۲۰۲۵-جی ایلین مارت آیینا کیمی ایراندا یاشایان افغانستانلی قاچقینلارین چوخونون اؤلکه‌دن دپورتاسییا ائدیلجه‌یی باره‌ده بیانات یاییب.