مسکوا لیسابونون ۶ روس یانغینسؤندورمه هلیکوپترینی کیئوه تحویل وئرمه‌سینی روسیا-پورتوقالییا مناسبتلرینده‌کی بحرانی داها دا درینلشدیره‌جک دشمنچی‌لیک آددیمی کیمی قیمتلندیریر.

Axar.az خبر وئریر کی، بو باره‌ده روسیا خارجی ایشلر ناظیرلیینین رسمی نماینده‌سی مارییا زاخارووا بیلدیریب.

«بیز بو هلیکوپترلرین کیئو رژیمینه وئریلمه‌سی فاکتینی کولکتیو غربین روسیایا قارشی هیبرید محاربه آپارماق و اوکراینادا مناقشه‌نی اوزاتماق کیمی جنایتکار کورسونا اویغون اولاراق اؤلکه‌میزه قارشی نوبتی دشمن آددیمی کیمی قیمتله‌ندیریریک»، - دیپلمات قید ائدیب.

قید ائدک کی، بوندان اول پورتوقالییا حاکمیت ارگانلاری ۶ روسیا یانغینسؤندورمه هلیکوپترینین اوکراینایا تحویل وئریلمه‌سینین باشا چاتدیغینی اعلان ائدیب.