آمریکا آذربایجان و ارمنستانین مناسبتلرینین نورماللاشدیریلماسی ایله باغلی دانیشیقلاردا الده ائتدیی ایرلیله‌ییشی آلقیشلاییر، خصوصیله سرحدلرین دئلیمیتاسییاسینین تنظیمله‌نمه‌سی حاقیندا اساسنامه‌یه دایر راضیلاشمالاری قید ائدیر.

Axar.az خبر وئریر کی، بو باره‌ده آمریکا دولت کاتیبی انتونی بلینکنله ارمنستانین باش ناظری نیکول پاشینیان آراسیندا بو یاخینلاردا باش توتموش تلفن دانیشیغینی شرح ائد‌ن دولت دپارتامنتینین مطبوعات خیدمتینین رهبری متیو میللرین یازیلی آچیقلاماسیندا بیلدیریلیب.

م.میللر وورغولاییب کی، بلینکئن ن.پاشینیانلا صحبتینده جنوبی قافقازدا داواملی و لاییقلی صلحون برقرار اولماسینین واجیبلیینی تصدیقله‌ییب.

خاطیرلاداق کی، داها اول ارمنستان حکومتینین یایدیغی معلوماتا گؤره، بلینکن و پاشینیان ایکیطرفلی گونده‌لیگی و ارمنستان-آذربایجان صلح پروسسینی مذاکره ائدیبلر.