اوکراینانین کورسکداکی قوه‌لرینین یئنی ایستراتگییاسی وار - سرعتله حرکته کئچمک و روس قوشونلارینی محاصره‌یه آلماق.

Axar.az خبر وئریر کی، بونو «فوربس»ین آنالیتیکی دیوید اکس دئییب.

«۹۵-جی هوا هجوم بریگاداسینین رهبرلیک ائتدیی اوکراینا تاکتیکی گروپو نوویه پوتدان ساغدا و وسیولویئنین جنوبوندان کئچن یولو کسیر. اگر نوویه پوتون شمال-شرقینه دوغرو ایر‌لیله‌یه‌ن اوکراینالیلار اساس سکتوردا دیگر اوکراینا بؤلمه‌لری ایله بیرلشسه‌لر، اونلار پوتنسیال اولاراق مینلرله روسو محاصره‌یه آلا بیلرلر»، - اکس بیلدیریب.

اونون سؤزلرینه گؤره، یئرلی جغرافی شرایط اوکراینا اوردوسونون روس قوشونلارینی محاصره‌یه آلماسینا شرایط یارادیر:

«اوکراینا اوردوسو سئیم اوزریندن کئچن بوتون کؤرپولری داغیدیب، اونا گؤره ده چایین جنوبونداکی بوتون روس قوشونلارینین تالعی موقتی پونتونلاردان و یا کورینئوو شهری اوزرینده‌کی دار کؤرپودن آسیلیدیر».