بوتون یاخین علاقه و امکداشلیقلاریمیزا باخمایاراق، روسییایا خبردارلیق ائدیریک کی،کؤرفزده یئرلشن اوچ آدا و ایرانین قیرمیزی خطی ساییلان زنگزور دهلیزینه صاحبلیک مسئله‌سینده مانور ائتمه‌سین.

Axar.az خبر وئریر کی، بونو ایرانین ائکسپرتلر مجلیسی‌نین صدر معاوینی، کونستیتوسییانین اجراسینا نظارت شوراسی‌نین عضوو، علی خامنه‌ای‌نین نماینده‌سی و قم شهرینین جمعه امامی علیرزا عرافی دئییب.

او، بیرقطب‌لو دنیایا سون قویماق اوچون ایرانین چین و روسییا ایله سیخ امکداشلیق ائتمه‌سینه دقت چکیب و بونون ایرانین "قیرمیزی خطی"ینی آیاقلاماغا اساس اولا بیلمه‌یه‌جه‌یینی بیلدیریب.

قید ائدک کی، علی خامنه‌ای‌نین ایالتلرده‌کی نماینده‌لری و جمعه اماملارینین هفته‌لیک چیخیشلارینین موضوعسو خامنه‌ای‌نین اوفیسین‌ده معین‌ ائدیلیر.

بونا گؤره ده، عرافی‌نین بو بیاناتی ایران رهبرینین موقعی کیمی قبول ائدیله بیلر.