جناب پوتین زنگزور دهلیزی ایله باغلی ایرانین میللی منافعینه ضد موقع توتوب. تاریخه نظر سالساق گؤره‌ریک کی، بو دهلیز موسکوانین تهلوکسیزلیینی تامین ائتمک اوچون شوروی طرفیندن قورولوب. کئچمیش راضیلاشمالار لغو ائدیله‌جه‌یی تقدیرده قافقازین ۱۷ شهری ایرانا قایتاریلمالیدیر.

Axar.az خبر وئریر کی، بو سؤزلری سپاه ژرالی و اردبیلین ایران پارلامنتینده‌کی کئچمیش میللت وکیلی منصور حقیقت‌پور اؤزونون ایکس حسابیندا یازیب.

او، قافقازین ۱۷ شهرینین ایرانا قایتاریلماسی اوچون اؤلکه‌ده عموم‌خالق حرکاتی‌نین یارادیلماسینا چاغیریب.

قئید ائدک کی، م.حقیقت‌پور آذربایجان رسپوبلیکاسینا قارشی غرضلی موقعیی ایله تانینیر.

او، ۱۹۹۲-جی ایلده آذربایجان اسلام پارتییاسی فونکسیونرلریندن حاجی علی‌اکرام علیئوی، حاجی واقف علیئوی و حاجی حاج‌آغا نوریئوی ایرانا دعوت ائد‌رک، تهران شهرینده‌کی «مرمر» هتلینده، هابئله، شمران‌داکی اقامتگاهیندا آذربایجان‌دا اسلام انقیلابی حیاتا کئچیریلمه‌سی اوچون مخفی امکداشلیغا جلب ائتمیشدیر.

حقیقت‌پور بونونلا یاناشی قاراباغ‌دا دؤیوش تجربه‌سی کئچمیش گنجلرین قانونسوز یوللا ایرانا آپاریلاراق، آذربایجان‌دا دولت چئوریلیشی مقصدیله ایدئولوژی و حربی حاضرلیق کئچمه‌لرینی تشکیل ائتمیشدیر.