ایران‌دا قاچقین حیاتی یاشایان افغانیستانلی قاچقینلار ساوادسیزو باجاریقسیز انسانلاردیرلار و اونلارین بیزیم اؤلکه‌میزین امکانلاریندان استفاده ائتمه‌یه حاقلاری یوخدور.

Axar.az خبر وئریر کی، بو سؤزلری ایران پارلامنتینین عضوو سارا فللاحی پارلامنتده‌کی چیخیشیندا دئییب.

اؤزونو وطنپرور آدلاندیران قادین میللت وکیلی افغانستانلیلارین اؤلکه‌دن چیخاریلماسینی و بو زمینده سهل‌انکارلیق ائد‌ن رسمیلرین مسئولیته جلب ائدیلمه‌سینی طلب ائدیب.

او، افغانیستانلی قاچقینلاری ساعتلی بومبا آدلاندیریب، اونلارین اؤلکه اوچون تهلوکه اولدوقلارینی ادعا ائدیب.

قید ائدک کی، بیر نئچه گون اول ایران پرزیدنتینین افغانستان مسئله‌لری اوزره خصوصی نماینده‌سی حسن کاظیمی قمی و اؤلکه‌نین داخیلی ایشلر ناظری اسکندر مؤمنی ده افغانستانلی قاچقینلارین اؤلکه‌دن چیخاریلاجاقلاری باره‌ده بیاناتلار سسلندیریبلر.

اونلارین دئدیینه گؤره، ۲۰۲۵-جی ایلین آپرئل آیینا کیمی ۲ میلیون افغانیستانلی قاچقین دئپورتاسییا اولوناجاق.