روسیانین ارمنیستان‌داکی سفیری سرگی کوپیرکین ایران-ارمنیستان سرحدینده دیسلوکاسییا اولونان فدرال تهلوکه‌سیزلیک خدمتی سرحدیانی اداره‌سینین ۱۲۷-جی دسته‌سینی زیارت ائدیب.

Axar.az خبر وئریر کی، بو باره‌ده روسیانین ارمنیستان‌داکی سفیرلیی معلومات یاییب.

بیلدیریلیب کی، سفیری دسته‌نین رئیسی شرباکوو قارشیلاییب. او، گلن ایله فعالیت گؤسترمه‌سینین ۷۰-جی ایللیی قید اولوناجاق دسته‌نین تاریخی و گؤردوکلری ایشله باغلی سفیری تانیش ائدیب.

خاطیرلاداق کی، فدرال تهلوکه‌سیزلیک خدمتی ارمنیستان-ایران و ارمنیستان-تورکیه دولت سرحدلرینی محافظه ائدیر. بو گونلرده ارمنیستان پارلامنتینین صدری آلن سیمونیان روسیا سرحدچیلرینین اؤلکه‌دن چیخاریلماسی ایله باغلی مسئله‌یه باخاجاقلارینی دئییب.