۲۰۲۴.۰۹.۱۸ - ۱۹:۰۳

لیوان‌دا رابطه جهازلاریندا یئنی پارتلاییشلار باش وئریب، نتیجه‌ده ۱۰۰ نفر یارالانیب.

Axar.az خبر وئریر کی، بو باره‌ده عرب‌دیللی مطبوعات معلومات یاییب.

یئرلی مدیایا گؤره، پیجرلردن سونرا رادیولار، نوتبوکلار و تلفونلار پارتلاماغا باشلاییب.

ساکنلر بیلدیریب کی، موبیل تلفون ماغازالاری و میشت تکنیکاسی دا پارتلاییر. بعضی یاشاییش بنالاری یانماغا باشلاییب.

قید ائدک کی، دونه‌ن لیوانین پایتاختی بیروتدا پیجرلرین پارتلاماسی نتیجه‌سینده ۱۲ نفر اؤلوب، ۴ مین نفر یارالانیب. یارالانانلار آراسیندا ایرانین لیوان‌داکی سفیری مجتبی امانی ده وار.

پیجرلرین اسرائیلین کیبر-هجومو نتیجه‌سینده پارتلادیغی بیلدیریلیر.

***

باش وئرن یئنی پارتلاییشلار نتیجه‌سینده اؤلنلرین سایی ۹ نفره چاتیب، ۳۰۰-دن چوخ انسان ایسه یارالانیب.

بو باره‌ده لیوانین صحیه ناظیرلیی معلومات یاییب.

***

یئنی پارتلاییشلار نتیجه‌سینده اؤلنلرین سایی ۱۴-ا چاتیب، ان آزی ۴۵۰ نفر ایسه یارالانیب.

بو باره‌ده اؤلکه‌نین صحیه ناظیرلیی معلومات یاییب.

***

باش وئرن یئنی پارتلاییشلار نتیجه‌سینده اؤلنلرین سایی ۲۰ نفره چاتیب، یارالیلارین سایی ایسه ۴۶۰ اولوب.