قاراباغ "کچمیش پرزیدنت"ین (قوندارما قورومون سپارات‌چی-ترورچو باشچی‌سی نظرده توتولور - رئد.) امضاسی ایله تحویل وئریلیب، اونون امضاسی ایله بوتون دولت اورگانلاری لغو ائدیلیب.

Axar.az اونیکال-آ استنادلا خبر وئریر کی، بونو ارمنستان رسپوبلیکاسینین اقتصادیات ناظری گئوورق پاپویان ژورنالیستلره آچیقلاماسیندا دئییب.

اونون سؤزلرینه گؤره، بو حادثه همین شخصین "داغلیق قاراباغ ریسپوبلیکاسینین پرزیدنتی" اولماسیندان ۱۰-۱۵ گون سونرا باش وئریب:

"جمعی ۱۰ گون عرضین‌ده ایکینجی و اوچونجو پرزیدنتلرین کوماندالاری اوغورلا بوتون قوروملاری، بوندان سونرا دا داغلیق قاراباغ ریسپوبلیکاسی لغو ائتدیلر".

پاپویان همچینین بیلدیریب کی، همین قوه‌لر ارمنستان حاکمیتینه تضییق گؤستریرلر. او، کئچمیش پرزیدنتلرین اون ایل‌لیکلر عرضین‌ده آپاردیغی دانیشیقلارین یالنیز قاراباغین و اطراف اراضیلرین نه واخت و نئجه وئریلجیی ایله باغلی اولدوغونو دا خاطرلادیب:

"اونلار داغلیق قاراباغین وئریلمه‌سی ایله باغلی دانیشیقلار آپاردیلار، لاکین ارمنستانا گلدیلر، دئدی-قودویا باشلادیلار، مختلف نؤو عالیملری، سارای ژورنالیستلرینی ایشه گؤتوردولر، اونلار میفیزم ایدئیاسینی جمعیته یایدیلار. آرخادا ایسه دانیشیقلار آپاریلدی کی، هانسی رایون نه واخت وئریلسین!

"آرتساخ"این بیزیم اولماسینی چوخ ایستردیم، اما آرزولاریم حاقین‌دا دانیشماق ایستمیرم. ایستکلریمیزی سیاستین پریوریتتینه چئویرمه‌یه حاقیمیز یوخدور، وظیفه‌میز رئال سیاستله، ارمنستانین ۲۹.۷۴۳ kv.km اراضی‌سینین محکملندیریلمه‌سی، اؤلکه‌میزین ملی سرحدلرینین محکملندیریلمه‌سی و پروبلمین حلی یولو ایله حرکت ائتمکدیر".