آمریکا، فرانسا و نیدرلاندین قانونوئریجیلری ارمنی‌دن چوخ ارمنی اولماغا چالیشیرلار. ارمنیستان باش ناظیری نیکول پاشینیان آذربایجانلا صلح سازشی امضالاماق و دهلیزلرین ایشه دوشمه‌سینی ایستییر. پاشینیانی آذربایجان حبسخاناسینداکی قاراباغ سپارات‌چیلارینین طالعیی ماراقلاندیرمیر و او قاراباغ موضوعسونون اؤلکه‌سی اوچون بیتدیی قناعتینده‌دیر. درینه گئتسک، حبسخاناداکی سپارات‌چیلارین آزادلیغا بوراخیلماسی پاشینیانین ماراقلارینا جواب وئرمیر، چونکی اونلار آزادلیغا چیخارلارسا، اونون رقیبلرینه قوشولاجاق و ارمنیستان حکومتی اوچون تهلوکه یاراداجاقلار. پاشینیان آچیقلامالارینین هئچ بیرینده ارمنیلرین قاراباغا قایدیشیندان دا دانیشماییب، موجود رئال‌لیقلا باریشیب.

Axar.az خبر وئریر کی، بو سؤزلری پولیتولوق ائلخان شاهین‌اوغلو قید ائدیب.

«نیکول پاشینیان ارمنی جمعیتینه قاراباغا عاید نه وارسا اونوتماغی تلقین ائدرکه‌ن، آمریکا، فرانسا و نیدرلاند قانونوئریجیلری سپارات‌چیلارین آزاد ائدیلمه‌سی، قاراباغ‌دا «ارمنی مدنی ارثینین قورونماسی»، ارمنیلرین قاراباغا قاییدیشی مسئله‌لرینی قالدیرماقلا ارمنیستانا آیی خدمتی گؤستریرلر. آذربایجانلا ارمنیستان آراسین‌دا صلح سازشی امضالاندیقدان و زنگزور دهلیزی آچیلدیقدان سونرا ایکی دولت آراسین‌دا مناسبتلرین نظاملانماسی باشلایاجاق و ارمنی لوبیسی ایله بیرگه حرکت ائد‌نلرین خدمتینین ارمنیستانا آنجاق ضرری اولاجاق. بیز ایسه چالیشمالییق کی، آمریکا، فرانسا و نیدرلاندین سیرالاری گئنیشله‌نمه‌سین، باشقا دولتلرین قانونوئریجیلری ارمنی لوبیسینین تأثیری آلتینا دوشمه‌سینلر»، - پولیتولوق بیلدیریب.