آستروفیزیکلر عقللی یادپلانتلی حیاتین موجودلوغونا دایر ثبوتلار آشکار ائدیبلر و اونلارین وارلیغینا دایر معلوماتلار تئزلیکله درج اولوناجاق.

Axar.az خبر وئریر کی، بونو ناسا ایله امکداشلیق ائد‌ن سندلی فیلم رژیسورو سایمون هولاند دئییب.

«بیز گالاکتیکامیزدا انسانا عاید اولمایان یئردن کنار ذکا کشف ائتمیشیک و انسانلارین بوندان خبری یوخدور»، - او بیلدیریب.

آکسفورددان اولان «کشفه یول آچان دینله‌مه» لاییحه‌سینین کومانداسی سیگنالی تحلیل ائتدیکلرینی تصدیقله‌ییب، لاکن احتمال اولونان منبعی آچیقلاماییبلار.

«اونلار تفرعاتی آختاریرلار، اونا گؤره ده خبرین درجی گئجیکیر»، – دئیه هولاند لاییحه‌ده‌کی منبع‌لرینه استنادا دئییب.

قید ائدک کی، رژیسورون استناد ائتدیی «کشفه یول آچان دینله‌مه» ۲۰۱۶-جی ایلین یانوارین‌دا اسرائیل‌لی صاحیبکار، اینوستور و سووئت اصیل‌لی فیزیک یوری میلنرین تشببوسو ایله ۱۰۰ میلیون دلار دیرینده غیری-کومرسییا تدقیقات لاییحه‌سی کیمی ایشه باشلاییب. غریبه رادیو سیگنال ایلک دفعه ۲۰۱۹-جو ایلده آوسترالییانین پارکس رصدخاناسی طرفیندن معین ائدیلیب.

۲۰۲۱-جی ایلده لاییحه‌نین آسترونوملاری بونون انسان فعالیتی نتیجه‌سینده یارانان سیگنال اولدوغونو گمان ائدیردیلر.

رژیسورون ادعاسیندان بئله گؤرونور کی، متخصصلر ایندی سیگناللا باغلی فکرلرینی دییشیبلر.