شمالی کره حربی قوه‌لرینی، او جمله‌دن خصوصی عملیات قوه‌لرینین نماینده‌لرینی روسیایا گؤندریر.

Axar.az خبر وئریر کی، بونو «دفنس اکسپرس»ین حربی اکسپرتی ایوان کیریچئوسکی بیلدیریب.

"گویا اونلار روسیا استاندارتلارینا اویغون اوچ هفته‌لیک یئنی‌دن حاضرلیق کورسو کئچیرلر کی، بو دا روسلارین اونلاردان موافق هجوم پیاداسی کیمی استفاده ائتمیی پلانلاشدیردیقلارینی گؤستریر"، - اکسپرت دئییب.

اکسپرتین فکرینجه، حتی روسیانین هجوم قوشونلاریندا دؤیوشن آشاغی سوسیال طبقه‌لرین نماینده‌لری ده اوکراینا مدافعه قوه‌لری اوچون جدی پروبلملر یارادیر:

"شمالی کره‌یه گلدیکده، صحبت معین ایدئولوژی سویه‌یه و فاناتیزمه مالک مقاویله‌لی حربی قوللوقچولاردان گئدیر. دقت یئتیرمه‌یه دیر باشقا بیر مشاهده اودور کی، سووت اتفاقی داغیلاندان بری ایکی کومونیست دولتی تجرید اولونموش وضعیتده یاشاییر: شمالی کره و کوبا. ایندی شمالی کره بیزه چوخلو پروبلملر یارادیر، بس کوبا؟ بیز یالنیز اونو بیلیریک کی، اورادا ایشیق یوخدور، هامیسی بودور".