اوکراینا و روسییا انرژی اینفراستروکتورونا قارشی‌لیقلی هجوملارا سون قویماق اوچون ایلکین دانیشیقلارا باشلاییب.

Axar.az خبر وئریر کی، بو باره‌ده «فایننشل تایمس» معلومات یاییب.

بیلدیریلیب کی، آوگوست‌دا اوکراینانین کورسک ویلایتینه هجومو سببین‌دن اوللر الده اولونموش راضیلیغین پوزولماسیندان سونرا دانیشیقلار قطرین واسطه‌چی‌لییی ایله برپا ائدیلیب.

اوکراینانین یوکسک روتبه‌لی مأمورلارینین معلوماتینا گؤره، آرتیق هر ایکی طرفدن انرژی اینفراستروکتورلارینا هجوملارین تئزلیینده آزالما مشاهده اولونور کی، بو دا اؤلکه‌لرین کشفیات خیدمتلرینین ایلکین راضیلاشماسینین نتیجه‌سی‌دیر.

گؤزلنیلیر کی، دانیشیقلار پروسسینین گله‌جک انکشافی حاضیرکی حربی مناقیشه‌نین حلی امکانلارین‌دان و هر ایکی طرفین قارشی‌لیقلی شرطلریندن آسیلی اولاجاق.

اوکراینا لیدری ولادیمیر زلئسکی نشره آچیقلاماسیندا انرژی اوبیکتلرینه قارشی‌لیقلی هجوملارین دایاندیریلماسینین حربی عملیاتلارین سونونون باشلانغیجی اولا بیلجیی باره‌ده فکر بیلدیریب.