اسرائیلین باش ناظیری بنیامین نتانیاهو یواو گالانتین مدافعه ناظیری وظیفه‌سیندن آزاد ائدیلمه‌سیندن سونرا اسرائیل مدافعه قوه‌لرینین باش قرارگاه رییسی هرزی هالوی و باش تهلوکه‌سیزلیک خدمتینین رهبری رونن باری دا وظیفه‌دن آزاد ائتمک نیتینده‌دیر.

Axar.az خبر وئریر کی، بو باره‌ده «والا» (Walla) پورتالی باش ناظیره یاخین منبع‌لره استنادن معلومات یاییب.

قید ائدک کی، نتانیاهو نویابرین ۵-ی مدافعه ناظیری یواو گالانتی وظیفه‌دن آزاد ائدیب و اونون یئرینه خارجی ایشلر ناظیرلیی باشچی‌سی اسرائیل کاتزی تعیین ائدیب. خارجی ایشلر ناظیرلیی باشچی‌سی وظیفه‌سی ایسه پورتفلسیز ناظیر گیدون سارا تکلیف ائدیلیب.

اؤلکه مخالفتی محاربه گئتدیی واختدا مدافعه ناظیرینین دییشدیریلمه‌سینی نرمال سایماییب و طرفدارلارینی آکسییایا چاغیریب.