ایراندا اسلام دینی‌نین بهایی طریقتینه منصوب اولان وطنداشلارا تضییقلرین داوامیندا اصفهان‌دا داها ۱۱ بهایی حبس ائدیلیب.

Axar.az خبر وئریر کی، بو باره‌ده انسان حاقلاری فعاللاری معلومات یایب.

اونلارین سؤزلرینه گؤره، تهران و کرج شهرینده یاشایان رشید، پارسا و پدرام دهقانی قارداشلاری دینی بایرامدا اشتراک ائتمک اوچون اصفهان شهرینه گئتدیکدن سونرا باشقا ۸ نفرله بیرگه ساخلانیلاراق نامعلوم یئره آپاریلیبلار.

دیندیریلدیکدن سونرا ۸ نفر سربست بوراخیلسا دا، دهقانی قارداشلاری حبسده ساخلانیلیب.

اونلارا قارشی ایر‌لی سورولن اتهام و هارادا ساخلانیلدیقلاری باره‌ده معلومات وئریلمه‌ییب.

قید ائدک کی، حاضردا ایراندا ۳۰۰ میندن چوخ بهایی یاشاسا دا، ایران کونستیتوتسییاسی (آنا یاسا- قانون اساسی) بهایی دینینی رسمیته تانیمیر.

ایران مدنی انقیلاب عالی شوراسی‌نین قرارینا اساساً بهایی دینینه منصوب اولانلار اؤلکه‌ده وطنداشلیق حقوقو اولمایان انسانلار ساییلیرلار.