جو بایدن پرزیدنتلیینین لاپ سونوندا کیئوین آیلاردیر ائتدیی خواهیشه نهایت تسلیم اولدو و اوکراینا اوردوسونا روسیانین درینلیینه ضربه‌لر ائندیرمک اوچون اوزاق منزیل‌لی راکتلردن استفاده ائتمه‌یه اجازه وئردی.

Axar.az خبر وئریر کی، بونو "لموند" قزئتی یازیب.

قید اولونوب کی، بورادا مقصد کورسک ویلایتین‌ده شمالی کورئیا حربچیلرینین اشتراکی ایله مسکوانین عکس-هجومونو دفع ائتمکده اوکراینایا کمک ائتمک‌دیر:

"حاضردا پریوریتت اوکراینا و روسییانی ممکن قدر تئز دانیشیقلار ماساسینا اوتورتماق پلانلارینی آچیقلایان دونالد ترامپ حاکمیته گلنه قدر اوکراینا سلاح‌لی قوه‌لرینین روسییا اراضی‌سی اوزرینده نظارتینی ساخلاماقدیر".

بیلدیریلیب کی، ایندیدک آمریکانین درین ضربه‌لردن امتنا ائتمه‌سی روسیا طرفینین اسکالاسییا قورخوسو ایله ایضاح ائدیلیردی، چونکی مسکوا دایم نووه سلاحی ایله هده‌لییردی.

"دیگر مقصد شمالی کورئیا لیدری کیم چن اینی اوکراینا ایشلرینه مداخیله‌سینین اهمیتلی انسان تلفاتی ایله نتیجه‌لنه‌جه‌یینه اینان‌دیرماقدیر"، - قزئت وورغولاییب.