تورکییه‌ده بیر مدتدیر داوام ائد‌ن «کوردلره دستک»، «کوردلر ازیلیر» باش‌لیقلی آکسییالار زامانی اشتیراکچیلاردان بیرینین ارمنی دیلینده آچدیغی پلاکات جدی مذاکیره‌لره سبب اولوب.

Axar.az خبر وئریر کی، آکسییالاردا اساساً پ.ک.ک ترور تشکیلاتی‌نین قوروجوسو، ۲۰ ایلدیر تورکییه‌ده حبس‌ده اولان عبدالله اوجالانین «ژین، ژیان، آزادی»، یعنی «قادین، حیات، آزادلیق» سؤزلری شعار اولاراق سسلندیریلیر.

لاکین بیر نئچه گون اؤنجه کئچیریلن اعتراضلاردا اشتیراک‌چیلاردان بیرینین بو سؤزلری ارمنی دیلینده یازماسی و همین پلاکاتی سوسیال شبکه حسابیندا پایلاشماسی بیرمعنالی قارشیلانماییب. بو، تورکییه‌ده یاشایان ارمنیلرین سئپاراتچی فیکیرلر سسلندیرن کسیمه دسته‌یی کیمی قیمتلندیریلیب.

سؤزوگئدن پلاکات سوسیال شبکه‌لرین ارمنی سقمنتینده قیناق آتشینه توتولوب.

قید ائدک کی، مشهور «اکوفعال» گرتا تونبرگ ده بیر نئچه گون اؤنجه تورکییه‌نین شرق ویلایتلرینه سفر ائتمیش و بورانی «کوردوستان» آدلاندیرمیشدی. اونون سئپاراتچیلارا دسته‌یی و چاغیریشلاری تورکییه‌ده جدی اعتراضلا قارشیلاندی.