آمریکا مرکزی کوماندان‌لیغینا (سنتکوم) باغلی قوه‌لر سوریادا حربی عملیات کئچیریب.

Axar.az تورکییه مئدیاسینا استنادا خبر وئریر کی، بو باره‌ده سنتکوم معلومات یاییب.

«سنتکوم قوه‌لری بو گون سحر ساعتلارین‌دا فرات حربی دستک بؤلگه‌سی اطرافیندا آمریکا و کوالیسییا قوه‌لرینه تهلوکه یارادان ۳ پیکاپ ماشینینا قوراشدیریلمیش راکت بوراخان قورغو، ۱ عدد ت-۶۴ تانکی، ۱ عدد پدم و مینا آتان دا داخیل اولماقلا، مختلف سلاح سیستملرینی اوغورلا محو ائدیب»، - معلومات‌دا بیلدیریلیب.

عینی زمان‌دا قید اولونوب کی، سؤزوگئدن عملیاتین سورییانین شمال-غربین‌ده باش وئرن سون حادثه‌لرله هئچ بیر علاقه‌سی یوخدور:

«بونا باخمایاراق، رگیون‌دا باش وئره‌ن سون پروسسلری یاخیندان ایزله‌مه‌یه داوام ائدیریک».

قید ائدک کی، اؤتن گون آخشام دا آمریکا قوه‌لری سوریانین دیر الزور بؤلگه‌سینده «اؤزونومدافیه مقصدیله» آچیقلانمایان هدفه ضربه ائندیرمیشدی.