روسیا و ایران اسد رژیمینه دستیینی داوام ائتدیریر. آنجاق روسیانین باشی اوکراینا محاربه‌سینه قاریشیب و اسدین دائمی حربی دستک ایستکلری کرملی بئزدیرمه‌یه باشلاییب. روسیا سوریادا هم حربی تکنیکاسینی ایتیریر، هم ده حرب‌چیلری تهلوکه آلتیندادیرلار.

Axar.az خبر وئریر کی، بو سؤزلری پولیتولوق ائلخان شاهین‌اوغلو سوریادا باش وئرن سون توققوشمالار حاقدا قید ائدیب.

او بیلدیریب کی، سوریا روسیا اوچون اوکراینا قدر اهمیت کسب ائتمه‌مه‌لیدیر:

«ایران اوچون اسد رژیمینین ییخیلماسی بؤیوک ایتکی و قونشو اؤلکه اولاراق جدی تهلوکه‌دیر. روسیا اوچون ایسه اسد رژیمینین ییخیلماسی اوزاقباشی بو اؤلکه‌ده سووئتلردن قالما حربی بازاسینین ایتیریلمه‌سیدیر. البته، کرمل اسد رژیمینین ییخیلماسینی ایسته‌میر، آنجاق بو، نه واختسا باش وئررسه، مسکوا آلترناتیولر باره‌ده دوشونمک مجبوریتینده قالاجاق. مثال اوچون اسدین یئرینه حاکمیته اونون اطرافیندان بیری گلیب مخالفتله عمومی دیل تاپارسا، بو، روسیا اوچون ده فایدالی اولار. روسیا بو حال‌دا هم سوریاداکی بازاسینی قوروموش اولاجاق، هم ده ایندیکی قدر سوریایا حربی پتنسیالینی خرجله‌مه‌یه‌جک».

قید ائدک کی، سوریادا نسبی ثابتلیک «هیئت تحریر الشام»این حلب و ادلبی اله کئچیرمه‌سی ایله بیتیب. حاضردا حما یاخینلیغیندا رژیم قوه‌لری ایله سلاح‌لی مخالفت آراسین‌دا قیزغین دؤیوشلر گئدیر.